Net wéi all Joer kuerz virun der grousser Vakanz konnt d’JEP ofgehale ginn, mee réischt den 1. August, dëst wéi sou villes wéinst der aktueller Corona-Pandemie. Och huet déi eigentlech Prüfung sou net stattfonnt, mee et war een Training wou mer eis Riichter op der Plaz haten fir sech ee Bild iwer d’Honn ze maachen, an natierlech och d’Leeschtungen mat Punkten ze bewerten. Firwat juste en Training stattfonnt huet, dovunner liest der am Artikel iwer d’JGP méi.
Ugetrueden waren 8 Gespanner gewiecht, 5 dovunner hunn sou gutt geschafft dass d’Riichter hinnen all Kéier déi voll Punktenzuel ginn hunn, fir 3 Gespanner ass et dëst Joer nach net duergaangen, d’nächst Joer klappt et bestëmmt. Wann een d’Nimm vum Podium kukt, da fällt op dass net nëmmen d’Honn madeneen Famill sinn, ma hier Meeschteren stinn sech och ganz no : de Jong/Neveu huet gewonn, gefollegt vum Papp an duerno nach de Monni.
Den Dag, gouf och nach bei der Juegdbud vum Grousspapp ausklenge gelooss, och dem Här Stockreiser dofir ee grousse Merci fir seng Ënnerstützung.
Dat ganzt huet stattfonnt an Revéieren aus dem Réidener Kanton, dofir vun dëser Plaz ee grousse Merci un d’Revéierpiechter, déi eis an hieren Revéieren schaffe gelooss hunn. Net ze vergiessen, d’Piechter an d’Propriétairen aus den Revéieren ronderëm Folkendeng, wou mer am normalen trainéieren, wann och dëst Joer bësse manner.
Merci och all denen Leit déi gehollef hunn d’Gespanner op den Dag ze preparéieren, déiLeit den Dag selwer oder am Virfeld fir d’Saach geschafft hunn.
Hei nach den Tableau mat den Gewënner.
|
Führer |
Hund |
Rasse |
Preis |
Punkte |
|
Rick Wersant |
Cartouche II v. Fürstenwall |
DD |
1. |
27/27 |
|
Carlo Wersant |
/ Czecko II v. Fürstenwall |
DD |
1. |
27/27 |
|
Damien Stockreiser |
Chap II v. Fürstenwall |
DD |
1. |
27/27 |
|
Johny Robinet |
Arno vom Falkengraf |
PP |
1. |
27/27 |
|
Pier Schackmann |
Apollo v. d. bunten Felsen |
KlM |
1. |
27/27 |