Jagdliche Gehorsamsprüfung zu Grousbous, 15. Juni 2020

De 15. Juni gouf déi juegdlech Gehorsamsprüfung zu Grousbous ofgehalen, nodems déi Prüfung zwee Joer am Gréngewald konnt duerchgefouert ginn, huet dëst Joer mussen op een anere Site ausgewach ginn well mir fir de Gréngewald keng gréng Luucht méi vum Emweltministère kritt hunn.

Sou huet d’läscht Joer den Artikel iwer d’Gehorsamsprüfung ugefaangen, dëst Joer hu mer kee Refus kritt, mir hunn fristgerecht eis Demande an déi dofir zoustänneg Verwaltung geschéckt. No 3 Wochen hu mir een « Accusé de réception » kritt, an bis zum Dag vun der Prüfung war dat och déi eenzeg Äntwert, d.h. mir hunn keng Autorisatioun kritt. Mir sinn gären domadder averstan dass mer wéi all déi aner Leit och, mussen eng Demande maachen fir eis Prüfungen autoriséieren loossen.  Fir esou een Dossier wéi eisen ze verschaffen dierft kee gréisseren Problem duerstellen, kompetent Personal ass an der zoustänneger Verwaltung do. Wat maachen mir op sou enger Prüfung da grouss dass den Dossier net viru geet, mir riichten näischt op, mir verkafen näischt, mir sinn just mat eisen Hënn do a loossen déi préiwen, fir d’Iessen si mer op ee privaten Site gefuer. Dee Sitre hu mer sou verlooss wéi mir den zur Verfügung gestallt kruten, well dat passt sech sou. Iwerall wou mir mat eisen Honn geschafft hunn, ass net méi ze gesinn wéi puer opgewullten Blieder, an de Wisen ass guer näischt ze gesinn. Wann lo ee mengt, ma dann erklärt denen zoustännege Leit dach mol wat dir do maacht.

Mir waren schon zweemol am Ministère empfaange ginn, déi éischte Kéier nach vum verstuerwene Staatsekretär Camille Gira, bei der Entrevue koum op d’Iddi vum Här Gira een Communiqué an d’Presse, an dem gouffen d’Leit drop opmierksam gemaach dass am Gréngewald géing geschoss ginn am Kader vun der Juegdhondsausbildung. Op der Prüfung war d’Télé op Besuch, puer Deeg duerno war och een Artikel an der geschriwener Presse. Leider hunn d’Zeiten geännert, och déi zoustänneg Ministech huet eis wuel d’läscht Joer empfaangen, mee leider hunn eis Beméiungen fir eis Arbescht ze erklären an fir hier Ënnerstëtzung ze kréien net vill, fir net ze soen näischt bruecht.

Zu eiser Prüfung, nee dëst Joer war keng ! Et war just een Training, d’Iwerschrëft vum Artikel ass u sëch falsch, trainéieren därfe mer ouni eng Autorisatioun, dofir hu mer just trainéiert, mir hunn op dem Training d’Riichter invitéiert fir sech d’Saach unzekuken an d’Hënn ze bewerten. Et war fir déi meescht ee schéint Gefill dass d’Arbescht déi se an engem Joer mat hiren Honn geleescht hunn, mol eng Kéier a Punkten konnt festgehal ginn, resp. bei denen Kollegen wou et net duer gaangen ass, sie wëssen wou se mussen noschaffen. Hei drënner d’Resultater vun den Hënn déi bestannen hunn. Et waren 13 Gespanner ugetrueden, 9 dovunner hunn bestanen. Felicitatiounen un sie.

Merci ze soen ass net schwéier, an der hu mer eng Rei lass ze ginn. Merci all dene Leit déi sech iwer déi ganz Saison Zeit geholl hunn fir den Hondsleit mat Rot an Dot zur Säit ze stoen, a Coronazeiten gouf dat mat Mail, Telefon, Whattsapp a Wuert a Biller, deelweis souguer mat Filmer iwermëttelt. Merci och denen, déi den Dag selwer do waren fir ze hëllefen, denen déi am Virfeld sech getraff hunn fir ze plangen an ze preparéieren. Iech alleguer, een herzleche Merci.

Bis d’nächst Joer, hoffentlech dann mat der néideger Autorisatioun.